Bev Witten, Direkteur: Alumniverhoudinge

Met jare se ervaring op die gebied van internasionale alumniverhoudinge is Bev tans spanleier van Alumniverhoudinge (AV) aan die Universiteit Stellenbosch, waar sy 'n geďntegreerde, mededingende strategie vir alumniverhoudinge ontwikkel het wat daarop afgestem is om deelname en jaarlikse skenkings deur alumni te vermeerder en aan te moedig. Voordat sy haar by die Matiesfamilie aangesluit het, was Bev aan die stuur van AV-sake by die Nagraadse Skool van Opvoedkunde by Harvard, waar sy die streeks-, nasionale en internasionale uitreik- en skakelingstrategieë vir meer as 25 000 alumni bestuur het.

Kontakbesonderhede:
bevwitten@sun.ac.za
+27 21 808 9263

Heidi October, Bestuurder: Alumniverhoudinge

Heidi het aan die Universiteit Stellenbosch studeer en het meer as tien jaar ervaring in openbare betrekkinge en alumniverhoudinge aan die Universiteit, met 'n lewendige belangstelling in diversiteitskwessies. As deel van uitruilooreenkomste het sy al verskeie universiteite, sowel plaaslik as buitelands, besoek waar sy insig in hul verskillende alumniprogramme bekom het. Haar professionele belangstellings strek van gespreksfasilitering tussen kernbelanghebbendes tot die ontwikkeling van studenteleierskap.

Kontakbesonderhede:
hoctober@sun.ac.za
+27 21 808 2948

Marvin Koopman, Geleentheidskoördineerder

Marvin het sy vaardighede as geleentheidskoördineerder en hotelbestuurder in die Verenigde Koninkryk geslyp waar hy ná sy opleiding aan die gerekende IHT-hotelskool in Kaapstad gaan werk het. Terug in Suid-Afrika het hy méér ervaring op gasvryheidsgebied opgedoen deur by verskeie instansies in die Wynlandgebied te werk, onder meer by die Coopmanhuijs-boetiekhotel & -spa op Stellenbosch, wat destyds pas sy deure oopgemaak het. In 2010 sluit Marvin hom as Geleentheidskoördineerder vir Alumniverhoudinge by die Matiesfamilie aan.

Kontakbesonderhede:
marvin@sun.ac.za
+27 21 808 9265

Liezl Scholtz, Kommunikasiebeampte

Nadat sy haar by die destydse Skiereilandse Technikon in die Joernalistiek bekwaam het, het Liezl ander kreatiewe velde verken. Haar liefde vir woorde het egter geseëvier en kort voor lank was sy joernalis by Volksblad, die grootste koerant in die Vrystaat. In 2007 sluit sy haar as webjoernalis by die Afdeling Kommunikasie en Skakeling van die Universiteit Stellenbosch aan waar sy as redakteur van die weeklikse e-nuusbrief, die Boschtelegram, en as moderator van die Universiteit se nuusblogs opgetree het. Sy beklee haar huidige pos by Alumniverhoudinge sedert 2011.

Kontakbesonderhede:
liezls@sun.ac.za
+27 21 808 9348

Louise Enslin, Jaarfondsbeampte

Kort nadat Louise haar graad aan die Universiteit Stellenbosch verwerf het, het sy Suid-Afrika vir Engeland verruil waar sy haar in 2008, ná ʼn ruk as Musiekonderwyser, by die Departement van Ontwikkeling en Korporatiewe Sake van die Trinity Laban Konservatorium vir Musiek en Dans aangesluit het. Louise se mandaat behels onder meer die bou van ʼn jaarlikse skenkingsprogram aan die Universiteit Stellenbosch wat daarop toegespits is om alumnideelname aan die verwesenliking van die Universiteit se visie en missie te verhoog.

Kontakbesonderhede:
enslin@sun.ac.za
+27 21 808 9351